GALEBLOG

LETRAS GALEGAS 2011

2011-06-01T21:04:00.001+02:00

Audiobiografía Lois Pereiro - Mar Sueiro

2011-05-08T17:31:00.001+02:00

Actividade sobre Lois Pereiro.

2011-05-01T23:25:00.002+02:00

No CEIP Pedrouzos de Brión os membros do ENDL elaboraron esta actividade sobre Lois Pereiro.

Grazas por compartila.

Preme na imaxe:

O GALEGO. Lingua minoritaria?

2011-04-28T23:33:00.001+02:00

PÁXINA WEB: "LOIS PEREIRO".

2011-04-27T23:33:00.003+02:00

PREME NA IMAXE:

VÍDEO GAÑADOR DO CORRELINGUA 2011.

2011-04-27T23:15:00.001+02:00

Do IES Fontem Albei (A Fonsagrada-Lugo).

RECURSOS LOIS PEREIRO.

2011-04-26T21:47:00.003+02:00

Preme na foto para acceder aos recursos.

DÍA MUNDIAL DA POESÍA

2011-04-15T13:36:00.002+02:00

O día 21 de marzo, coincidindo coa chegada da primavera, celebramos o "Día Mundial da Poesía" , con este motivo propúxoselle a todos os nenos e nenas do colexio a elaboración de caligramas. Aquí tedes unha pequena mostra dos seus traballos:

Open publication - Free publishing - More caligramas

"AS PINGAS DE AUGA E O ARCO DA VELLA"

2011-04-14T13:13:00.001+02:00

En relación aos carteis feitos para as letras galegas, os nenos e nenas de E. Infantil elaboraron este fermoso conto sobre a AUGA.

Open publication - Free publishing - More arco

LETRAS GALEGAS 2011

2011-04-13T11:05:00.008+02:00

Open publication - Free publishing - More galegas

Os nenos e nenas do noso colexio presentaron este traballo a Xunta de Galicia sobre Lois Pereiro, baseado no seu poema Que é Galicia?

VISITA ÁS FRAGAS DO EUME.

2010-10-17T21:33:00.002+02:00

O alumnado do 3º ciclo realizou unha visita guiada ás Fragas do Eume, como parte das actividades do proxecto de Centro para este curso, titulado: "O Lugar onde vivimos".

HISTORIA DA LINGUA GALEGA

2010-06-07T22:45:00.002+02:00

Open publication - Free publishing - More lingua

LETRAS GALEGAS 2010

2010-05-31T19:37:00.001+02:00

2010-05-30T19:51:00.000+02:00

O CAUREL DE UXIO.

2010-05-11T21:52:00.002+02:00

Vía IES Arzua

Open publication - Free publishing - More novoneyra

FOLLARASCA UXIO NOVONEYRA.

2010-05-09T20:56:00.001+02:00

Follarasca uxío

View more presentations from biblioteca escolar milladoiro malpica.

Tamén en formato libro.

Open publication - Free publishing - More uxio-novoneyra

TRABALLO COLABORATIVO SOBRE A VIDA E OBRA DE UXIO NOVONEYRA.

2010-05-08T20:45:00.003+02:00

Coa participación de todo o alumnado do colexio elaboramos un traballo de composición escrita e ilustración sobre a vida e obra do autor homenaxeado nas Letras Galegas 2010: Uxio Novoneyra tamén chamado "O Poeta do Caurel".

Open publication - Free publishing - More school

LETRAS GALEGAS 2010. Uxio Novoneyra

2010-05-06T22:03:00.003+02:00

Vía CPI Progreso de Catoira.

UXÍO NOVONEYRA

Vía IES Alfonso X O Sabio-Cambre:

Open publication - Free publishing - More uxio novoneyra

NOVO "VIEIROS DA ESCOLA"

2010-04-20T21:55:00.003+02:00

Nova Escola Galega achega un novo Vieros da Escola dedicado á sensibilización sobre patrimonio cultural

no rural do país.
A autoría deste traballo é de Chus Diéguez, Humberto Martínez e Cristina Ogando, profesores no IES de Pontecaldelas. Pódese consultar nesta ligazón:

VIEIROS DA ESCOLA.

X CONCURSO DE RELATO ORAL, TÍRALLE DA LINGUA.

2010-04-11T20:08:00.004+02:00

Tíralle da lingua é un proxecto da AS-PG, dirixido ao alumnado e profesorado de todo o país, co obxectivo de normalizar o uso oral da nosa lingua, converter o idioma en instrumento de comunicación normal, de creación e recreación de historias...de lingua de uso do noso sistema educativo.

BASES DO CONCURSO AQUÍ.

Xornal gratuito Galego: "De Luns a Venres"

2010-03-21T13:15:00.003+01:00

LV: "De Luns a Venres" é o primeiro xornal gratuíto galego. Podemos atopalo nas principais cidades da comunidade ou na rede onde mesmo podemos descargalo.

Preme na imaxe para acceder ao xornal.

PROXECTO VINTE 10

2010-02-24T21:43:00.004+01:00

Vinte10 é un proxecto de canle de vídeo on line, creada no IES Porto do Son, onde contan o que fan, onde, quen, por que, para que; (o cando é evidente vinte10>2010 ).

Contan non só, nin principalmente, o académico, senón as emocións, as ilusións, os desafíos; o que saben ou o que imaxinan, ou o que lles apetece.
Non importa que sexa excelente, importa que estea feito con ilusión.
Se vos interesa podedes subscribir a canle de vídeo vinte10:

http://vimeo.com/channels/87687

e a canle de soncine:

http://vimeo.com/channels/66149

en cada unha desas páxinas tedes un RSS para engadir aos voso Google Reader, Netvibes, etc, ou colgar nos vosos blogs.

RECURSOS PARA O ENTROIDO.

2010-02-10T22:52:00.003+01:00

Desde o Recanto de Mik chéganos está fantástica recompilación de recursos para O ENTROIDO.

PREME NA FOTO.

A REGUEIFA

2010-02-07T23:58:00.003+01:00

A Regueifa forma parte do patrimonio oral galego e, aínda que estiveron bastante olvidadas na segunda parte do século XX, están sendo recuperadas grazas ao esforzo de moitos regueifeiros e institucións.
Neste enlace tedes amplia información : "Vieiros da Escola: A REGUEIFA"

DECÁLOGO PARA SER LINGÜÍSTICAMENTE SOSTIBLE.

2010-01-18T16:39:00.002+01:00

Vía o Lar de Frianciño chéganos este documento, froito dunha triple aportación: por unha banda, o Decálogo elaborado polos Servizos Lingüísticos das Universidades catalanas no ano 2008, co gallo do Ano Internacional das Linguas e por outra, a tradución de Adelia Troncoso,compañeira do IES Val do Tea,de Ponteareas, e por último, a maquetación, que é obra do CEIP Frián,de Teis. Esperemos que nos sirva a todos para reflexionar.
Decálogo para ser lingüísticamente sostibles

CALENDARIO NOVONEYRA

2010-01-16T22:42:00.003+01:00

Elaborado polo Equipo de Biblioteca do CPI "Luís Díaz Moreno" de Baralla
Idea e maquetación: Delio Chao Lolo.
Textos: Uxio Novoneyra (Os Eidos)
Fotografias: Emilio Blanco Castro, Celsa Chao Lolo e Delio Chao Lolo.
PARABÉNS POLO VOSO TRABALLO!!!

O NOSO NADAL GALEGO E VERDE.

2009-12-19T23:45:00.003+01:00

Orella pendella colabora coa guía do Consello da Xuventude de Galicia para vivir un Nadal integramente en galego e respectuoso co medio.

PREME NA IMAXE PARA VELO EN PANTALLA COMPLETA.

O APALPADOR.

2009-12-15T22:18:00.006+01:00

Nos últimos anos, grazas ao traballo de José André Lôpez Goncález, nas vilas de Galiza estase a recuperar o mítico personaxe do Apalpador, un personaxe que vivía nas altas montañas das serras orientais de Galiza e que nos días do inverno baixa ás aldeas e vilas dos vales para apalparlles a barriguiña ás meniñas e aos meniños por ver se comeran ben durante todo o ano, achegándolles castañas e agasallos feitos a man.

ENLACES RELACIONADOS:

A LENDA

Material para a recuperación da figura do apalpador

Escolma de actividades

Páxina oficial do apalpador

Modelos de cartas e láminas do Apalpador

Nova

XOGO:

Caza do tesouro para 1º ciclo de primaria

VÍDEO:

Visita do Apalpador a Compostela

REGALEMOS GALEGO.

2009-12-12T22:50:00.003+01:00

O Equipo de Normalización e Dinamización Lingüística do CPI Vicente Otero Valcárcel de Carral (A Coruña) publica por segundo ano un catálogo de agasallos de Nadal en galego. O coordinador da iniciativa é o profesor Anxo Gómez.

PREME SOBRE A IMAXE PARA VELO EN PANTALLA COMPLETA.

XOGO SOBRE GALICIA.

2009-12-07T18:01:00.006+01:00

Preme na imaxe para acceder ao xogo.

O SAMAÍN 09

2009-11-09T22:13:00.004+01:00

Fixemos unha exposición con todas as cabazas que decoramos, os cestos de froitas, as postais e os debuxos. Cantamos cancións de SAMAÍN e bailamos todos/as xuntos/as o baile dos pantasmas. Foi moi divertido. Ademais tres alumn@s de 4º curso leron para tod@s nós un conto de medo: "Quen lle ten medo á tormenta?"

CONCURSOS DE REDACCIÓNS E DEBUXOS SOBRE A FROITA DO EUME.

2009-11-09T21:22:00.005+01:00

Festa da exaltación da froita 09

View more presentations or Upload your own.

Aquí podedes ver todas as fotos dese día.

Premendo nas portadas dos álbumes.

concurso e actuacións

RECEITAS FROITA

xogos populares

2ª FESTA DE EXALTACIÓN DA FROITA AUTÓCTONA.

2009-10-28T21:46:00.003+01:00

O vindeiro 30 de outubro realizaremos no C.E.I.P. de Andrade a 2ª festa de exaltación da froita autóctona cunha serie de actos que detallamos no programa que podedes consultar nos seguintes enlaces:
Programa.
Concurso de redaccións.
Concurso de froita.
Folla de inscripción (tamén se pode recoller no centro)
Nestas fotos podemos apreciar que as nosas árbores aínda que todavía son pequenas xa nos teñen dado unhas preciosas mazás.

PALABRAS NO AR...

2009-07-06T22:11:00.004+02:00

Kalandraka Editora, dentro do programa de dinamización Bocaberta, realiza a campaña denominada "Palabras no ar", que consiste na realización dos seguintes obradoiros:

Sesións de contacontos con música.
Obradoiros de oralidade.
Obradoiro de escrita creativa.
Emisións radiofónicas
Creación dun espazo web. Para ampliar a información sobre esta actividade preme aquí.

LETRAS GALEGAS 2010: Uxio Novoneyra.

2009-06-28T23:14:00.003+02:00

Uxío Novoneyra converterase, no ano no que se cumpre o décimo aniversario do seu pasamento, no poeta homenaxeado no Día das Letras Galegas 2010.
Novoneyra foi un dos poetas máis relevantes en lingua galega de todos os tempos. A obra do poeta está enraizada na tradición e no popular. Vinculado tamén ás vangardas, na súa obra destaca o lirismo da palabra. Novoneyra foi un poeta de entrega total, pero non de minorías, xa que sempre tivo unha gran preocupación pola comunicación co pobo.
Para máis información sobre a súa obra preme aquí.

LECTURAS COMPARTIDAS.

2009-06-14T22:13:00.007+02:00

Durante este terceiro trimestre fixemos unha actividade proposta polo equipo de biblioteca, coa participación das familias: "LECTURAS COMPARTIDAS".
Léronse varios libros en galego:

"CHOCOLATA"

"SACAPENAS"
"XOGANDO ÁS ADIVIÑAS"
"A POTA QUE TROTA"

E tamén algúns escritos polo alumnado do centro, como "A BALEA PERCORREMAR" de Lucía (5ºcurso).
Foi unha actividade moi interesante, coa que continuaremos o vindeiro curso.
Aquí tedes a reportaxe fotográfica dalgúns dos momentos destas "Lecturas Compartidas".

"XARDÍN DO PASATEMPO"

2009-06-14T13:13:00.005+02:00

O venres 29, celebrouse en Pontedeume, nos xardíns de Lombardero, un acto en homenaxe a Ramiro Fonte, organizado pola Biblioteca Pública Municipal, en colaboración cos CEIPs do concello; do noso centro acudiron o grupo de alumnas e alumnos de 5º curso, que recitaron tres poemas do libro "O XARDÍN DO PASATEMPO".

O TREN DA LINGUA

2009-06-14T12:45:00.008+02:00

O alumnado de E.Infantil e 1º ciclo de Primaria subiron a semana pasada ao tren da Língua. Esta actividade patrocinada por CaixaNova, ten por obxectivo o fomento da língua galega entre os máis novos.
Saímos do colexio ás 10:00 en autobús cara a estación de Ferrol. Alí esperábanos un tren que nos levou ata Betanzos.
No tren, dous animadores, amenizan a viaxe coas súas historias.
Tamén recibimos de agasallo unha bonita mochila.

LETRAS GALEGAS 2009: Mostra Artesanal.

2009-05-23T18:41:00.006+02:00

Con motivo da celebración das LETRAS GALEGAS, un ano mais a Unidade Veciñal "OLMO" en colaboración con outras entidades, organiza, ademáis de Encontros Culturais e Xogos Populares, unha Mostra Artesanal que o martes 19 puideron visitar todos os Colexios de Pontedeume. Estas fotos recollen o encontro entre os nenos e nenas do noso colexio cos artesáns. Grazas á Unidade veciñal "Olmo" pola súa invitación e polo agasallo dun lote de libros en galego para a nosa biblioteca.

Parabéns pola organización destas actividades.

MOSTRA ARTESANAL. Letras Galegas 2009 on PhotoPeach

LETRAS GALEGAS 2009.

2009-05-16T22:14:00.003+02:00

Reportaxe fotográfica das actividades que durante toda a semana do 11 ao 15 de maio realizamos no colexio de Andrade para conmemorar a celebración das LETRAS GALEGAS 2009, adicadas á figura de Ramón Piñeiro. Para acceder a unha información mais detallada do programa de actividades preme aquí.

Exposición: "Ramón Piñeiro"

2009-05-14T18:01:00.003+02:00

Ramón Piñeiro

View more presentations or Upload your own.

Á entrada do colexio está exposto o traballo que sobre a vida e obra de Ramón Piñeiro fixemos este ano coa participación de todo o alumnado, dende Educación Infantil ata 6º curso de Educación Primaria.

En Educación Infantil recortaron e colorearon as letras dos titulares.
En 1º ciclo fixeron unhas divertidas caricaturas.
No 2º ciclo elaboraron unha biografía ilustrada e compuxeron un poema en homenaxe á súa traxectoria.
No 3º ciclo traballaron sobre as viaxes de Ramón Piñeiro, a súa obra e elaboraron uns pasatempos.

"O RAP DA LINGUA"

2009-05-10T22:00:00.005+02:00

"O RAP DA LINGUA" (MIGALLAS)
Este rap está incluído no disco "Canta connosco"

Dende o blog da biblioteca do CEIP Mestre Martínez Alonso chéganos este video que elaboraron o equipo de Biblioteca en colaboración co ENDL do Centro. Grazas por compartir con nós este estupendo traballo.

Para acceder á letra preme aquí. (dende o recanto de Mik)

Podedes visitar o blog de normalización do CEIP Mestre Martínez Alonso se queredes rapear tamén a poesía de Celso Emilio Ferreiro DEITADO FRENTE AO MAR.

OS MAIOS NO NOSO COLEXIO.

2009-05-10T18:59:00.004+02:00

A Festa dos MAIOS, naceu na prehistoria cando os primeiros homes se preguntaban sobre esa forza renovadora que cada ano , tras a época das chuvias e o frío facía abrota-la semente e revestía os campos de variadas cores.
A tradición dos MAIOS na nosa zona vén de moi antigo, un anaco dunha cantiga tradicional da bisbarra eumesa:

Xa chegou o Maio

da nosa Mariña

Maio namorado

do mar e a andoriña

Chegou dende lonxe

acollédeo ben

nesta noble vila

de Galicia Edén.

Como todos os anos no colexio de Andrade elaboramos os noso Maios:

E. Infantil e 1º ciclo: "O PALLEIRO"

2ºCiclo: "A CRUZ"

3º Ciclo: "OS ARCOS".

Aquí tedes a reportaxe fotográfica.

HISTORIA DUNHA SOBREIRA

2009-04-29T21:35:00.005+02:00

Con motivo da celebración do DÍA DO LIBRO asistimos no colexio a unha representación teatral na que as actrices e os actores son alumnas e alumnos de 4º curso de Primaria. O título da obra de teatro é: "HIST ORIA DUNHA SOBREIRA". O libro está ilustrado por Suso Cube iro, que nos visitará o mércores 6 de maio. Durante estes días previos á súa visita poderemos ver, na entrada do colexio, unha exposición con todos os libros que temos na nosa biblioteca ilustrados por él.
Parabéns a estes alumnos e alumnas de 4º curso polo seu traballo.
Nesta reportaxe podedes ver algunhas escenas desta representación:

CERTAME DE RECITADO DE POESÍA.

2009-04-10T01:23:00.010+02:00

O equipo de Biblioteca conxuntamente co ENL do Centro propuxemos a celebración dun Certame de Poesía, co motivo do Día Mundial da Poesía o 21 de Marzo.
Este video recolle os poemas en galego que se presentaron a este certame e que foron creados e ilustrados polos propios alumnos e alumnas do 2º ciclo.

Parabéns pola creación, ilustración e recitado destos fantásticos poemas.

Polas características deste blog non se visualiza o video en pantalla completa, pero se premes neste enlace podes acceder ao video completo:

CERTAME DE POESÍA PRIMAVERA 2009

POESÍA II

2009-03-26T07:58:00.003+01:00

Quen puidera namorala...

No niño no vó do vento

hai unha pomba dourada.

Quen puidera namorala

quen puidera namorala, meu amigo.

Canta o luar e o mencer

en frauta de verde olivo.

Quen puidera namorala

quen puidera namorala, meu amigo.

Ten aires de frol recente

e cousas de recen casada.

Quen puidera namorala

quen puidera namorala, meu amigo.

Tamen ten sombra de sombra

e andar primeiro de rio.

Quen puidera namorala

quen puidera namorala, meu amigo

A. Cunqueiro.

21 DE MARZO, PRIMAVERA: "POESÍA E ÁRBORE."

2009-03-22T19:09:00.004+01:00

O 21 de Marzo temos dúas importantes celebracións: "DÍA DA POESÍA" e "DÍA DA ÁRBORE" coincidindo co comezo da primavera.

Recompilación das actividades da: "NOSA PLANTACIÓN" con motivo da celebración do "Día da Árbore."

PLANETA EQUIPOS DE NORMALIZACIÓN E DINAMIZACIÓN LINGÜÍSTICA.

2009-03-22T19:03:00.003+01:00

PREME NA FOTO PARA ACCEDER

"DÍA INTERNACIONAL DA MULLER"

2009-03-08T15:58:00.009+01:00

As mulleres e os homes unidos para eliminar a violencia contra a muller e a nena

Todos nós - homes e mulleres, soldados e axentes de mantemento da paz, cidadáns e líderes - temos a responsabilidade de contribuír a eliminar a violencia contra a muller. Os Estados deben cumprir coas súas obrigas de previr a violencia, axuizar os perpetradores e proporcionar reparacións ás vítimas. E cada un de nós debe falar claramente na familia, no lugar de traballo e na comunidade, de modo que cesen os actos de violencia contra a muller.

Ban Ki-moon, Secretario Xeral das Nacións Unidas.

Video de homenaxe a MULLERES GALEGAS ANÓNIMAS que tanto fixeron e tan pouco se lles recoñeceu.

Vía blog da biblioteca do CEIP Milladoiro de Malpica.

8 DE MARZO, DÍA INTERNACIONAL DA MULLER.

2009-03-07T00:05:00.008+01:00

Máis alá das diversas teorías sobre a súa orixe, é un feito que dende 1975 a ONU comezou a celebrar este día para concienciar sobre a necesidade de igualar os dereitos de homes e mulleres en todo o mundo.

Incluimos un material que nos foi enviado ao Centro polo CONSORCIO GALEGO DE SERVIZOS DE IGUALDADE E BENESTAR. Esta entidade está impartindo no colexio un obradoiro de Igualdade dirixido a alumnas e alumnos do 3º ciclo.

Moitas grazas pola vosa colaboración.

QUEIMA DOS ENTROIDOS: "Repoliña e Repoliño"

2009-03-06T20:14:00.002+01:00

Queima dos ENTROIDOS. on PhotoPeach

DÍA DE ROSALIA.

2009-02-24T12:18:00.004+01:00

Cada 24 de Febreiro, data do nacemento de Rosalía de Castro(Santiago de Compostela, 24 de febreiro de 1837 — Padrón, 15 de xullo de 1885), celebramos o

"DÍA DE ROSALIA."

Premendo nesta imaxe, podes acceder a mais información sobre este acto.

Ademais neste enlace ao blog da nosa biblioteca atoparemos unhas fichas didácticas para ampliar os nosos coñecementos sobre esta importante escritora galega.

ROSALÍA ILUSTRADA.

ENTROIDO 2009.

2009-02-23T13:09:00.007+01:00

O venres día 20 celebramos O ENTROIDO. Despois da busca de información sobre roupas, accesorios, costumes, músicas, danzas... de cada un dos períodos históricos, elaboramos os disfraces e preparamos as actuacións.

En Educación Infantil, PREHISTORIA,
No 2º ciclo, Habitantes dos CASTROS e VIKINGOS ,
No 1º ciclo, Civilización ROMANA,
No 3º Ciclo, A CIVILIZACIÓN EXIPCIA,
O Claustro de Profesores, A IDADE MEDIA.

E. Infantil: "TROGLODITAS"
Cantan e bailan: "Brut, o Troglodita"
1º Ciclo: "ROMANUS RAPERUS"
Cantan e bailan o rap: "Somos os romanos"
2º Ciclo: "CELTAS E VIKINGOS"
Baile: "Celta Vikingui"
3º Ciclo: "EXIPTO"
Cantan e bailan: "Tutankamon Baby".
Claustro de Profesores: "IDADE MEDIA"
Cantan e bailan: "Mediana Idade???"

E para rematar, degustación de postres típicos de Entroido elaborados polas familias de todo o alumnado do colexio.
Moitas grazas pola vosa colaboración.
FELIZ ENTROIDO!!!!!!!!!!!!

Premendo na imaxe podes acceder ás fotos .

"ENTROIDO"

2009-02-18T23:45:00.004+01:00

Premendo na imaxe poderás acceder ao especial de Entroido publicado na páxina de Contidos Educativos da Conselleria.

"A PODA DAS NOSAS ÁRBORES"

2009-02-14T23:39:00.009+01:00

Tres membros da Asociación Galega da Froita Autóctona do Eume (AGFA) achegáronse ao noso colexio para continuar explicándonos os coidados que requiren as nosas árbores, nesta ocasión trátase da PODA:
Hai tres tipos de poda:
1.Polos Obxectivos:

Formación: darlle ás árbores a forma convinte para formar un esqueleto robusto que soporte ben as súas ramas.
Fructificación.

2. Pola clase de corte:

Podas de despunte.
Poda corta
Poda longa.

3. Poda por aclareo: Eliminación dos ramos enteiros.

4. Poda segundo a época:

Desxemado: Final do inverno.
Desbotado: En Maio.

Grazas aos membros de AGFA e parabéns pola súa iniciativa.

AS NOSAS PALABRAS, OS NOSOS MUNDOS.

2009-02-08T19:12:00.003+01:00

Preme na imaxe.

Un enlace que dende a páxina da Secretaría Xeral de Política Lingüítica nos amosa unha "Exposición itinerante sobre a Lingua Galega na diversidade lingüística".

UNHA LINGUA EN EBULICIÓN

NUN MUNDO EN EVOLUCIÓN.

30 de Xaneiro, Día escolar pola PAZ.

2009-01-29T22:46:00.002+01:00

NO MUNDO HAI TRES COUSAS QUE ME POÑEN MAL

AS GUERRAS, A FAME E A DESIGUALDAD(e)

NON SEXAS PASIVO E MÓVETE XA

AINDA HAI ESPRANZA, DEVEMOS LOITAR

COAS GUERRAS FRACASA A HUMANIDAD(e)

É UNHA CONSTANTE DE VOLTA PARA ATRÁS

MORTE, ENFERMIDADES E DESOLACIÓN

LEVÁNTATE, MÓVETE E DEIXA O SILLÓN

DA FAME, QUERIDOS, QUE VOS VOU DICER

MILLEIROS DE NENOS NON TEN QUE COMER

EN ASIA, AMERICA OU EN AFRICA

POLO BEN DO MUNDO SOLIDARIDAD(e)

EN ASIA, AMERICA OU EN AFRICA

POLO BEN DO MUNDO...

POEMA POLA PAZ.

2009-01-18T20:49:00.002+01:00

Vía a Biblioteca do IES Alexandre Bóveda chéganos este video, dun poema de Celso Emilio Ferreiro titulado: "Irmaus", dentro do libro "LONGA NOITE DE PEDRA".

FELICITACIÓN DE NADAL.

2008-12-21T21:18:00.002+01:00

"AGASALLOS EN GALEGO"

2008-12-21T21:08:00.004+01:00

Adxuntamos un catálogo de agasallos onde a lingua galega tamén está presente, idea orixinal do alumnado do CPI Vicente Otero Valcárcel, coordinado polo profesor Anxo Gómez Sánchez.

PREME NA IMAXE PARA ACCEDER AO CATÁLOGO.

A LINGUA ANIMADA

2008-12-21T20:33:00.003+01:00

Grazas ao blog O RECANTO DE MIK descobrimos estas estupendas animacións en Flocos.tv, cineclube do audiovisual galego. Trátase de sete curtas baixo o título xenérico A LINGUA ANIMADA , adaptacións libres e humorísticas de textos e relatos da nosa literatura, de autores como Cunqueiro, Murguía, Eladio Rodríguez ou Avilés de Taramancos. Foron realizadas por Virginia Curiá e Tomas Conde entre o 2000 e o 2003.

ALISTÁN, O DEMO OVEIRO - A XAGUARANA - A ESCOLA DAS AREAS - GOOD NIGHT MON AMI - MEIGALLOS, SOMBRAS E PAPAS DE ARROZ - OS DEFUNTOS FALABAN CASTELAO -IGNOTUS
VER CONTRATACIÓN E NORMAS DE USO (Cinemas Dixitais, Axencia Audiovisual Galega).

"ESPECIAL DE NADAL"

2008-12-09T22:02:00.003+01:00

No portal da Xunta, no apartado de CONTIDOS EDUCATIVOS, aparece un espacio adicado ao Nadal, para coñecer mais cousas sobre esta festividade, tanto en Galicia como noutros lugares do mundo.

Preme na foto para acceder á páxina.

NOMES E APELIDOS.

2008-12-07T22:30:00.002+01:00

Se entras na páxina CHÁMATE CON XEITO podes descubrir se existe unha forma galega para o teu nome e apelidos. Pero tamén podes saber como te chamarías e apelidarías en correcto castelán. Ademais na web tamén se pode descargar a lexislación e os impresos legais necesarios para galeguizar nomes e apelidos.

CONTOS PARA FALAR.

2008-11-30T21:22:00.010+01:00

O mércores 26 de novembro a Editorial Rodeira organizou as actividades de "Contos para falar" para os nenos e nenas de Ponte-deume.
Dentro da campaña de dinamización lingüística da Secretaría Xeral de Política Lingüística, que inclúe libros, contacontos, música, xogos, pintura ou teatro da man de oito editoriais galegas. A Nosa Terra, Baía, Galaxia, Kalandraka, Oqo, Rodeira, Sotelo Blanco e Xerais e que desenvolven os proxectos, destinados a rapaces e rapazas de entre 4 e 18 anos.

SAMAÍN 2008.

2008-11-01T17:05:00.006+01:00

Samaín, palabra gaélica, significa o fin do verán e o principio do inverno. Na antiga cultura céltica o tempo de Samaín, especialmente a noite do 31 de outubro ao 1 e novembro, era o período máis importante do ano. Eran datas claves para se reunir nos camposantos, comer o ritual e comunal porco de samaín e concelebrar as farradas festeiras dos guerreiros.

Era a noite máis perigosa do ano: as portas do outro mundo abríanse nesas horas e as ánimas eran quen de vir visitar este mundo e aos seus moradores.

Para afastar dos seus castros as perigosas ánimas defuntas e errantes adoitaban poñer no alto das muradas, ou encastradas nas paredes, as caveiras iluminadas dos inimigos mortos en campaña.

O xoves día 30 celebramos a festa do "Samaín" no colexio, as actividades foron moi variadas:
As alumnas/os do 4º curso fixeron a representación teatral: "Indo para o Samaín".
Os nenos e nenas de 3º bailaron o "baile dos pantasmas".
Os alumnos/as de 1º Ciclo cantáronnos unha canción en inglés cunha proxección na que aparecían e desaparecían cabazas que eles chamaban "pumpkin lanterns".
No 3º ciclo, os rapaces e rapazas de 5º curso léronnos e explicáronnos moitas cousas sobre esta festividade. Os alumnos/as de 6º, seguindo co obradoiro de cociña, fixeron para todos nós un BIZCOITO DE CABAZA, que estaba boísimo.
Ao remate cantamos a canción do grupo Mamá Cabra: "Samaín".
Parabéns a todos e todas polo voso traballo!!!

BubbleShare: Share photos - Craft Ideas

FESTA DE EXALTACIÓN DA FROITA DE OUTONO

2008-10-27T17:01:00.005+01:00

O 24 de Outubro celebramos no colexio a "FESTA DE EXALTACIÓN DA FROITA DE OUTONO" en colaboración con AGFA do Eume (Asociación Galega da Froita Autóctona do Eume).
En primeiro lugar, o Director explicou brevemente o proceso da nosa plantación de mazás autóctonas:
As charlas dos membros de AGFA na biblioteca do centro.
A formación de grupos que se ocuparán de cada unha das árbores.
A plantación, coa participación de todos os alumnos/as do colexio.
O coidado das árbores.
A froita.
As nosas actividades relacionadas coa plantación:
cantigas, adiviñas, poemas, contos, redacións, receitas,
debuxos e manualidades.

Todos os alumnos/as de 6º trouxeron ao colexio unha receita na que o principal ingrediente é a mazá. Acompañados pola súa titora , Ánxeles, elaboraron cada unha destas receitas nun Obradoiro de Alimentación: empanadillas, hoxaldre, chiribicos, flan, compota, crema ... O resultado foi espectacular e aínda mais a degustación.

Ese día tamén tivemos unha charla: "A froita e a súa importancia na nosa dieta"

Recopilación de material empregado na charla:

Get your own - Open publication

Ao remate tivemos unha degustación de froita ao natural e cociñada.

E tamén animación con gaiteiros.

A TVG e os xornais tamén recolleron a noticia da nosa "Festa de exaltación da

froita de Outono."

Se queres ver os videos gravados pola TVG preme nestes enlaces:

"FESTA DA FROITA DE OUTONO"

"EXALTACIÓN DA FROITA AUTÓCTONA"

APERTURA BIBLIOTECA

2008-10-26T16:33:00.005+01:00

O Venres 17 tivo lugar o acto de "Apertura da Biblioteca" curso 2008/09.

O programa enviado pola nosa mascota "RAIOTECA" foi o seguinte:

Estas fotos recollen algúns dos momentos deste acto e a cada un dos grupos do colexio cos seus carnés, marcapáxinas e guías da biblioteca.

"FELICES LECTURAS A TODAS E TODOS"

Ao remate fomos invitados/as a unhas galletas elaboradas polos lectores e lectoras de Andrade no "OBRADOIRO DE ALIMENTACIÓN".

Benvida.

2008-09-13T22:56:00.003+02:00

Comezamos un novo curso e queremos darvos a benvida a todos e todas.
Seguro que será un curso cheo de novas experiencias e repleto de novidades. Un saúdo moi especial para os visitantes do noso blog.

XA CHEGOU O VERÁN.

2008-07-04T22:48:00.002+02:00

Da nena que xoga

cos raios do sol

uns din que está tola

e algúns din que non.

Sentada na escuma,

cabelo das ondas,

soterra na area

as finas raiolas.

Con elas colora

estrelas de mar,

caracolas, cunchas,

algas e corais.

E con elas tingue

de bronce os solpores,

de néboa os abrentes,

as nubes, de cores.

O ceo, de fume;

os soños, de azul;

os ríos, de seda;

e os cumes, de luz.

Da nena que xoga

cos raios de sol

uns din que está tola,

¡eu digo que non!

De "Paseniño, paseniño"

Antonio García Teijeiro

A NOSA PLANTACIÓN.

2008-06-07T23:22:00.004+02:00

O 5 de Marzo realizamos a primeira plantación escolar, no recinto exterior do colexio, das seis variedades recoñecidas da MAZÁ EUMESA. Con isto, a Asociación Galega da Froita Autóctona do Eume (AGAFA), iniciaba as súas actividades para transmitir a cultura da froita da comarca.

Desas árbores xa brotaron os primeiros froitos.

REPRESENTACIÓNS TEATRAIS

2008-06-07T23:06:00.002+02:00

Dentro das actividades programadas neste mes de Maio: "Mes das Letras Galegas", tivemos a representación de tres obras teatrais:
1º Ciclo: "Un ratiño chamado COLORÍN"
5º Curso: "Romance do Afiador"
6º Curso: "Os Maios de troula"

"UN RATIÑO CHAMADO COLORÍN"

"ROMANCE DO AFIADOR"

"OS MAIOS DE TROULA"

ACTIVIDADES LETRAS GALEGAS 2008

2008-06-06T23:51:00.007+02:00

TRABALLO COLECTIVO SOBRE X.M. ÁLVAREZ BLÁZQUEZ

Na entrada do colexio estivo exposto durante toda a semana das LETRAS GALEGAS un traballo sobre X.M.Álvarez Blázquez, no que participamos todos os alumnos/as do colexio.

Os nenos e nenas de E.Infantil , coloreamos, recortamos e pegamos as letras que compoñen o seu nome. Tamén ilustramos cun bonito debuxo o poema titulado "Arco da vella" do libro: ROSEIRA DO TEU MENCER.
Os nenos e nenas do 1º Ciclo, coloreamos, recortamos e pegamos as letras que nos anuncian o que celebramos o 17 de Maio: Día das Letras Galegas. Tamén ilustramos outro poema do libro ROSEIRA DO TEU MENCER titulado: "Polo Laranxal".
Os nenos e nenas do 2º ciclo, escribimos e ilustramos a súa biografía. Tamén elaboramos a súa árbore xenealóxica con ilustracións. Ademáis copiamos e fixemos debuxos dun poema titulado: "Ise neno da rúa" , que nos fixo reflexionar moito.
Os nenos e nenas do 3º ciclo, traballamos sobre o "Romance do afiador" e afondamos nesta profesión que hoxe en día xa case non existe. Tamén limos algúns textos do "Cancioneiro de Monfero" o que nos dou pé a escribir e buscar ilustracións do Mosteiro de Monfero, que ademáis está situado a poucos kilómetros da escola e hai alumnos/as do colexio que viven nas proximidades deste Mosteiro. Para rematar fixemos unhas caricaturas moi divertidas.

ROSALÍA ILUSTRADA

Non debemos esquecer que na celebración das LETRAS GALEGAS cada 17 de Maio, ademáis de homenaxear a algún escritor ou escritora en Lingua Galega conmemórase a publicación do libro de Rosalia de Castro: "Cantares Gallegos", un 17 de Maio de 1863.
Os alumnos/as do 1º, 2º e 3º Ciclo de Primaria do cole visitaron na Casa da Cultura do Concello de Pontedeume unha exposición titulada: "Rosalía Ilustrada", previamente traballaron unhas fichas didácticas sobre a súa vida e obra.
Este libro de acrósticos co nome de Rosalía fixérono os alumnos/as do 2º Ciclo inspirándose nesta exposición.

MOSTRA ARTESANAL

Con motivo da celebración das LETRAS GALEGAS a Unidade Veciñal "OLMO" en colaboración con outras entidades, organiza, ademáis de Encontros culturais e Xogos populares, unha Mostra artesanal que o martes 13 puideron visitar todos os Colexios de Pontedeume. Estas fotos recollen o encontro entre os nenos e nenas do noso colexio cos artesáns.Grazas á Unidade veciñal "Olmo" pola súa invitación e parabéns pola organización destas actividades

POEMAS ESCENIFICADOS

O Venres 16, para conmemorar o día das Letras Galegas e como homenaxe a X.M.Álvarez Blázquez, preparamos dous poemas escenificados:"Polo laranxal" representado e ampliado con estrofas de creación propia por alumnos/as de 4º nivel ."O Raposo Roldán" representado por alumnos/as de 3º nivel.

O RAPOSO ROLDÁN

Nas fragas do Eume,

vivía un raposo

arteiro e mañoso

de nome Roldán.

Andaba a correr

tras a merla perla,

mais caeu no camiño

e rompeu o fociño.

A merla brincaba

e alegre quedaba,

mentres o raposo

moi triste choraba.

POLO LARANXAL
POLO LARANXAL
TRES AVELAIÑAS ANDAN A VOAR.
UNHA, DÚAS, TRES,
DE PRESA QUE VOAN, VENSE E NON SE VEN.
POLO LARANXAL
TRES AVELAIÑAS ANDAN A CHUCHAR.
UNHA, DÚAS, TRES,
DE TANTO QUE CHUCHAN, BORRACHAS DE MEL.
¡CAIDAS NO CHAN,
TRES AVELAIÑAS POLO LARANXAL!
X.M.Álvarez Blázquez

Actividades con LIM: "O NENO MAIO"

2008-06-05T22:56:00.004+02:00

Neste enlace atoparedes as actividades relacionadas cos "Maios"que elaboramos co programa LIM:

Actividades con LIM: "O NENO MAIO"

"NO REGO DO PRADO"

2008-05-24T22:41:00.000+02:00

Desde o Equipo de Normalización Lingüística do CEIP de Andrade, en colaboración con alumnos/as de 6º, elaboramos este video a partir dun poema de X.M.Álvarez Blázquez titulado: "No rego do prado". Está ilustrado con fotos do recinto exterior do noso Centro. Aínda que ten algúns fallos técnicos, é a nosa primeira experiencia neste campo, (prometemos mellorar), de todas maneiras esperamos que vos guste.

ACTIVIDADES EN LIÑA

2008-05-19T17:32:00.000+02:00

Incluimos nesta entrada un enlace ao SeminarioGalán.org, no que se mostran unha serie de ACTIVIDADES EN LIÑA, elaboradas con "lim" e adaptadas a todos os niveis, dende E.Infantil ata 3º Ciclo de Primaria. Tamén están incluidos DOCUMENTOS E ACTIVIDADES para imprimir e un ÁLBUM DE FOTOS, todo este material sobre a vida e obra de X.M.Álvarez Blázquez.

Moi interesante!!!

Preme neste enlace para acceder: X.M. ÁLVAREZ BÁZQUEZ

X.M.Álvarez Blázquez. Traballo realizado no CEIP San Francisco Xabier.

2008-05-11T22:06:00.000+02:00

Parabéns ao colexio San Francisco Xabier por publicar este estupendo traballo sobre X.M.Álvarez Blázquez. Non queriamos deixar pasar a oportunidade de que os nosos alumnos e alumnas participen resolvendo as cuestións que se plantexan na presentación .

View Upload your own

MAIO LONGO, MAIO LONGO...

2008-05-08T11:34:00.000+02:00

Maio longo, Maio longo..., así comezan uns versos da poeta Rosalia de Castro, que se alongan ata formar só dúas cuartetas. E estes son nada máis ca unha pequena parte de toda a poesía arrequecedora desta época do ano.

Son numerosos os/as escritores/as que teñen feito poesía sobor destas datas. Nomeamos a Rosalia, e seguen Curros e outros autores, aínda que quen ten feito máis letras ao Maio é o mesmo pobo.

Xa chegou o Maio

da nosa mariña

Maio namorado

do mar e a andoriña.

Chegou dende lonxe

acollédeo ben

nesta noble vila

de Galicia "edén"

(Maio da Mariña)

Seguindo o costume doutros anos, as nenas e nenos de Andrade celebramos os Maios:

Fixemos un PALLEIRO, un CRUCEIRO e uns ARCOS.

Paseamos os Maios e cantamos tres CANTIGAS distintas, unha en cada ciclo:

"Anxeliños somos", "Santa Cruz de Maio" e "Maio, Maio florido".

X.M. Álvarez Blázquez: ÁLBUM DE FOTOS.

2008-05-04T22:02:00.000+02:00

Dende Biblio Cóntame chéganos este completísimo álbum de fotos do escritor homenaxeado nas Letras Galegas 2008: X. M. ÁLVAREZ BLÁZQUEZ.

MES DO LIBRO: "Libro viaxeiro"

2008-04-27T16:36:00.000+02:00

O noso Conto Viaxeiro titulado: "Aventura nas profundidades".
PREME EN "OPEN PUBLICATION" SE QUERES VELO EN PANTALLA COMPLETA.

Máis información sobre: LETRAS GALEGAS.

2008-04-14T21:33:00.000+02:00

Preme na foto:

BIBLIOTECA VIRTUAL GALEGA

2008-04-13T16:34:00.000+02:00

A Biblioteca Virtual Galega ofrece un interesante enlace con información biográfica, bibliográfica e unha escolma da produción literaria sobre o escritor ao que se lle adican as LETRAS GALEGAS 2008: X.M.Álvarez Blázquez.

Clica neste enlace: Letras Galegas 2008

WEBQUEST: X. M. Álvarez Blázquez

2008-03-30T22:49:00.000+02:00

Webquest sobre X. M. Álvarez Blázquez, autor ao que se lle adica este ano o Día das Letras Galegas.
Elaborada polos GBI: Biblioafonso, A Nosa Biblioteca e O Segrel do Penedo.
Moitas grazas por compartir este estupendo traballo.
Noraboa .

BubbleShare: Share photos - Play some Online Games.

Slide vía "Revolta da Freixa" IES de Teis

21 de Marzo: ÁRBORE e POESÍA

2008-03-21T21:24:00.000+01:00

View Upload your own

X.M. ÁLVAREZ BLÁZQUEZ

2008-02-21T12:00:00.000+01:00

"O AÑO PITAÑO"

2008-02-17T20:37:00.000+01:00

Poemiña pertencente á obra "Roseira do teu mencer" de X.M. Álvarez Blázquez escrito para a súa filla Colorín. De Ratomik.

"ROMANCE DO PESCADOR PELERIÑO"

2008-02-17T20:28:00.000+01:00

Poema de X.M. Álvarez Blázquez musicado por Suso Vaamonde.

UN POEMA DE X.M.Álvarez Blázquez

2008-02-05T18:06:00.000+01:00

Poema pertencente á obra "ROSEIRA DO TEU MENCER"
adicado á súa filla Colorín.

Video recollido no biblioblogue: "O Recanto de Mik"

COPLAS DE ENTROIDO

2008-02-05T17:41:00.000+01:00

Xa ven o Entroido
disfracémonos todos
comeremos cacheira
comerémola enteira!!!

Viva o Entroido, viva o Entroido!!!
e a cachola do porquiño
que hoxe ímola comer
cocidiña cuns greliños!!!

Xa ven o Entroido
xa ven a nosa alegría
xa ven o tempo de Entroido
bailaremos noite e día!!!

Para non estar tristeiro,eiro,eiro
neste Entroido trapalleiro, eiro, eiro.
move o teu traseiro, eiro, eiro!!!

Adeus Martes de Entroido
adeus, meu amiguiño,
ata o Domingo de pascua,
Non comerei máis touciño”.

CEIP Fermín Bouza Brey

POEMA para reflexionar

2008-01-24T23:23:00.000+01:00

Un poema de Xosé María Álvarez Blázquez, escritor ao que se lle

adican as "LETRAS GALEGAS 2008"

Non é certo que os nenos teñan fame
Non pode ser.
Ben o sabedes todos
os que andades no mundo atafegados
á percura do pan dos vosos fillos.
Ises outros que vedes pola rúa
pedindo esmola,
non teñen fame, non, porque daquela
vos teríades morto de vergonza. E ben vos vexo andar nos vosos
coches ou nos tranvías, a berrar de cousas
estranas: -¡viva, beba, baba, buba¡-sen reparar naquil esfarrapado
que coa moura mauciña está petando
na porta de ferro. Por iso penso que non é verdade
o que algún caviloso di dos nenos
que andan así petando pola vida.-¡Non, home, non!- lle dixen a un
de aqueles
-A xente pasa leda......¡Fora boa
que andivesen a rirse dos seus crimes! .

Xosé María Álvarez Blázquez(Tui 1915-1985)

A PAZ MUNDIAL

2008-01-20T12:49:00.000+01:00

O pasado día 12 de Decembro OS PREMIOS NOVEL DA PAZ asinan unha carta pola NON VIOLENCIA MUNDIAL. A súa lectura parécenos de moito interés. Podes acceder a ela premendo neste enlace:

CARTA PARA UN MUNDO SEN VIOLENCIA

OS NOSOS POEMAS (4º curso de Primaria)

2008-01-14T22:22:00.000+01:00

PIPO
Pipo coida xoaniñas
Á mañá e á tardiña.
Quítalles o leite
Para que luón se deleite
Pipo conta as estrelas
E gostaríalle viaxar nelas.
Un día a estrela saltou
E con ela viaxou.
Iván Porto.

ANIMAIS

Os tres gatos cantores
Viron tres ratos roedores.
Os tres ratos roedores
Viron cinco raposos
Famentos.
Os raposos famentos
Viron as galiñas na fonte
As galiñas co medo
Escaparon correndo.
Alejandro Gómez.

PIÑECO
Piñeco
Ao ser
Pequeno
Andaba
a xogar.
Piñeco
Ha ser moi
Aventureiro.
Piñeco
Travieso,
Xogador, aventureiro.
Antonio Piñeiro.

OBRADOIRO DE POESÍA

2008-01-14T17:59:00.000+01:00

XOGANDO CO VENTO
Xosé é un meniño
que vive en Ventorrillo.
Ten dous irmanciños.
Ten o vento por veciño.
Non ten ningún amigo.
Por eso
xoga co ventiño.
Laura Paz

CRI-CRI-CRI
O gato Gastón
come un montón,
puxéronlle melón
e comeu pastelón,
quería comer
un enorme pastel
e comeu por orgullo
pastelón de melón.
Aquel mesmo día
comeu unha sandía
que parecía que estaba viva.
O grilo Gastón
é un lambón,
come tanto que
algún día vai estoupar.
Lucía Beceiro.

A NENA E A SERPE
Unha nena espelida,
unha nena atrevida
esa é Elsira.
Foi ao cabo da Serpe
a onde ninguén quería ir,
foi ela soa, sen ninguén con quen ir.
Encontrou unha serpe
que lle dixo a causa
de que non houbera peixes:
Un barco vello
encheu de lixo o mar
e todos os peixes tiveron que marchar.
Elsira a todos informou
do que a serpe lle contou.
O seu pai mariñeiro
moito se contentou
porque moitos peixes ía encontrar ,
cando saíra a pescar.
Fátima Solís Torres.

OBRAS DE TEATRO EN NADAL

2008-01-13T20:08:00.000+01:00

Os alumnos/as de 4º curso de Primaria
representaron a obra teatral titulada:
"O PIÑEIRO, O ABETO E O LOUREIRO"
Ahí vai unha pequena mostra desta representación:

Os alumnos/as de 5º representaron a obra teatral titulada:
"A LEDICIA DOS ANIMAIS"
Aquí están en plena actuación:

Os alumnos de 3º curso de Primaria representaron a obra de teatro titulada:
"O ALMANAQUE CELEBRA O NADAL"
Estes son algúns dos momentos da súa actuación:

Os alumnos/as de 6º curso de Primaria interpretaron a obra teatral titulada:
"PARA QUE SERVE UNHA ESTRELA"
Así de estelares aparecen na súa representación:

XOGUETES DE NADAL

2007-12-17T23:36:00.000+01:00

Iniciamos o noso blog do DEPARTAMENTO DE NORMALIZACIÓN LINGÜÍSTICA cun artículo que nos parece de gran interese sobre todo nestas datas de nadal.

CONSELLOS PARA ELIXIR UN XOGUETE (Elaborado polo Departamento de Orientación do CEIP de Reibón, Meira-Moaña)

Reflexións que poden ser eficaces á hora de comprar os xoguetes que con tanta ilusión reciben os máis pequenos da casa:

·-Para ter éxito, un xoguete debe estar próximo ó mundo inmediato do neno/a e á súa forma de imaxinación. En definitiva, a actividade que propoña o xogo debe ser atractiva e lúdica, xa que os nenos/as xogan para divertirse e non para aprender.

·- Debe ser desexado polo neno/a. De non ser así, carecería de interese.

.-Que sexa seguro. Debe estar confeccionado con materiais que non se quebren ou sexan cortantes se rompen. As cores han de ser sólidas e non tóxicas. Canto máis pequeno é o neno/a máis grandes deben ser os xoguetes.

.-Que sexa simple. Isto aumentaría a gama de usos que se poden facer del, desenvolvendo a súa fantasía e a súa capacidade simbólica.

.-Non comprar os xoguetes para satisfacer un capricho momentáneo do neno/a

.-Xeralmente non deben ser utilizados para premiar ou castigar ó neno/a

.-Debemos ter en conta que o exceso de xoguetes mata a fantasía e produce aburrimento

.-Se adquire xoguetes desmontables para os máis pequenos, asegúrese que as pezas teñan un tamaño que impidan que os nenos se atragoen con elas.

.-Teñamos en conta a súa personalidade: un neno/a retraído necesitará xogos socializadores (varios xogadores); a un neno/a hiperactivo/a resultaranlle axeitados xogos de atención, artísticos, etc...

Compra de videoxogos:

.-Ter en conta a idade do neno/a ó compralos, uns videoxogos resultan máis axeitados que outros polo seu contido e grao de dificultade.
.-Supervisar o tipo de videoxogo, informándose sobre o seu contido. Desta forma, poderemos evitar aqueles videoxogos con marcado carácter violento, sexista ou discriminatorio que poidan influír negativamente no desenvolvemento do neno/a.
.-Decantarse por aqueles videoxogos nos que sexa posible xogar varias persoas, de forma que o neno/a non xogue só/a

XOGUETES

PARA NENOS/AS DE 3 A 5 ANOS

Os pequenos de 3 a 5 anos xa están preparados para xogar ó aire libre ou imitar escenas familiares e profesionais. Bonecos, cacharriños, pelotas ou aparellos de profesións como médico ou enfermeira, libros de contos ou acción, lousas e xices, xogos de bloques, lapis de cores e plastilinas, xogos de carpinteiro, xoguetes de aparellos de limpeza, xoguetes para o exterior: tobogán, hamacas,casiñas..., vehículos: triciclos, coches, carriños,... axeitados para a idade, xoguetes de equipos de música, crebacabezas simples con pezas grandes, roupa de xoguete para xogar a vestirse, marionetas e bonecos articulados.

XOGUETES PARA NENOS/AS DE 6 A 9 ANOS

Sendo algo máis maiores, a investigación e a curiosidade por descubrir constitúen os aspectos máis destacados da vida do neno/a. Por esta razón, os xoguetes para o aire libre de máis peso como a bicicleta ou os patíns e os xogos educativos relacionados coa ciencia e todo o que nos rodea son moi apropiados: monopatíns, vehículos teledirixidos, xogos manuais, de preguntas e de experimentos, xogos de costura, xogos de cartas, monicreques, pelotas, bicicletas, trens eléctricos, bonecos de papel, cordas para saltar, patíns, equipo para deportes e xogos de mesa.

XOGUETES PARA NENOS/AS DE 10 A 12 ANOS

En xeral, a esta idade é recomendable elixir xoguetes que apoien os hobbies e as actividades científicas: xogos de ordenador, material para coser e tecer, microscopios e telescopios, xogos de mesa, equipamento para deportes, material de apoio para hobbies, xogos de estratexia e reflexión, audiovisuais, electrónicos e experimentos.

Se se compra unha bicicleta, comprar tamén un casco e asegurarse de que o neno/a o leve sempre que monte.